Tumhe Hasaoun Kya [Mukund Pathak] Poems| Love Poems|

 Tumhe Hasaoun Kya?

Tum pareshan ho toh ,

Tumhe hasaoun kya ?

Ess duniya se kahin,

Dur le jaoun kya ?

Jise dekh mai,

Khushi se jhum uthta hun ,

Ek eysa hi khaab 

Tumhe bhi dikhaon kya ?

...

Ess dharti pe hi tumhe ,

Rab se rubaru karwaon kya ?

Tumhari aankho se hi,

Tumhe zannat ghumaon kya ?

Ek ishare pe sari, 

Khubsurti tham jayegi yeha 

Ho izazat toh, 

Tumhe aayina dikhaoun kya ?

...

Tum agar ho udas to, 

Mai manaoun kya ?

Anginat kahaniyan tumhari, 

Mai tumhe hi sunaon kya ?

Agar dar kar tumhe, 
Kisi se lipatne ki aadat hai 

To mai tumhe, 

Seene se lagaoun kya ?

...

Tumhari muskurahaton me,
Mai bhi muskuraon kya ?

Tumse mill ke ye duniya,
Mai bhi bhul jaoun kya ?

Jisme jaa ke,
Koi laut na sake ,

Mai bhi tum me kho ke,
Ek eysi neend soo jaoun kya ?

...

MukundPathak