Ek Tarfa Pyaar Kar Ke Dekho - Mukund Pathak|| One Side Love Poems|| Mukund Pathak Poems||

Ek Tarfa Pyaar Kar Ke Dekho

Bina Ummend Kisi Se,

Kisi Ka Intezar Kar Ke Dekho...

Saup Kar Apne Man Ko,

Dill Bekarar Kar Ke Dekho...

Ek Pal Me Maano,

Zindagi Sawar Jayegi...

Ho Sake To Kisi Se 

Ek Tarfa Pyaar Kar Ke Dekho...

Unhe Dekhne Ki Betabi Hogi Jaroor,

Gila Unse Kabhi Kar Na Sakoge...

Jab Unke Bin Ek Lamha Bhi,

Aahen Apni Bhar Na Sakoge...

Jab Talak Unka 

Deedar Na Ho Jaye,

Tab Talak Unka

Entazar Kar Ke Dekho...

Ek Pal Me Maano,

Zindagi Sawar Jayegi...

Ho Sake To Kisi Se 

Ektarfa Pyaar Kar Ke Dekho...

Aam Taur Par Rishtey,

Mahino Me Khatam Hote Hai...

Shaq, Gusse, Jhagdey,

Na Jane Kitne Bharam Hote Hai...

Jinhe Jaan Jaan Kehte,

Nahi Thakti Zuban...

Mahino Baad Unke,

Kai Aur Jaan Hote Hai...

Esse Toh Aacha Hai Na,

Uss Sadgi Par Aitbaar Kar Ke Dekho...

Ek Pal Me Maano Zindagi Sawar Jayegi

Ho Sake To Kisi Se Ektarfa Pyaar Kar Ke Dekho

Tu Meri Hai, Mai Tera Hun,

Jahan Haq Ke Jhagde Nahi Hote...

Unki Khushi Se Khushi Milti Hai,

Faltu Ke Lafde Nahi Hote...

Unki Khushiyon Se,

Chhida Nahi Jaata...

Panchi Ko Pinjre Me, 

Band Kiya Nahi Jata...

Woh Hume Dekhe Na Dekhe, Unki

Hasi Dekhe Bin 

Humse Jiya Nahi Jata...

Badle Me Kuch Milne Ki Khwaish,

Aapne Man Se Utar Kar Dekho...

Ek Pal Me Maano,

Zindagi Sawar Jayegi...

Ho Sake To Kisi Se 

Ektarfa Pyaar Kar Ke Dekho...

Jab Unke Haseen Nazrane,

 Kam Lagne Lage,

Unse Millne Ke Hazaro Bahane,

 Kam Lagne Lage

Unki Hasi Me Muskurane Wale Aashik,

Unke Gham Me Tumhari Aankhe,

Nam Lagne Lage

Bin Kiye Baat Jab 

Jajbaat Samajh Jao...

Chehra Padh Kar 

Halat Samajh Jao...

Woh Kahengi Nahi, 

Tum Jatana Mat...

Woh Ek Raaz Hai 

Bs Yeh Raaz Samajh Jao...

Zismani Rishta, 

Umar Ki Bediyon Se Bandhi Hai...

Kabhi Uski Rooh Ko, Rooh Me,

Utar Kar Dekho...

Ek Pal Me Maano,

Zindagi Sawar Jayegi...

Ho Sake To Kisi Se 

Ek Tarfa Pyaar Kar Ke Dekho...

Mukund Pathak